25.01.2020

Liebi Chend

Am nögschte Samstig, 25.01.2020, hämmer ändlech wederemol en Groppestond metenand.

För das träffemer üs am 14:00 Uhr ofem Dorfschuelhuusplatz. Leider werds scho weder am 17:00 Uhr fertig sii.Er mönd üch elegant alegge, mer wärded denne sii.

Bes am Samstig, üchi Leiter ond Jungleiter:)

 


11.01.2020

Liebi Groppe 3+4

Am nöchste Samschtig, 11.01.2020 gömmer zämme ufs Isfäld.

Mer träffed üs am 13:30 Uhr ufem Dorfschuelhusplatz. D'Groppestond esch am 5i weder ufem Schuelhusplatz fertig.

Wichtig: Vergässed d'Häntsche ond de Helm ned ond bitte lueged, dass ihr alli scho vor de Groppestond en Tagescharte (Zone 10) glöst hend.

PS: Die wo am Lagerröckbleck en neue Bu-Mei Pulli (55.-) bstellt hend, chönd de gärn am Samschtig noch de Groppestond chaufe.

Bi Froge chönd ihr üch gärn mälde:

Emely - 076 420 44 42

 

Mer freued üs ond bis gli :)


30.11.2019

Liebi Chend vo de Groppe 3&4

Dä Samstig, am 30.11.2019, träffemer üs scho am 9:30 Uhr, zom ofem Coopplatz go chueche verchaufe. Träffe dömmer üs diräkt bim Coopplatz. Er mönd üch ganz warm ahlege, ond es wär mega cool, wenn ehr alli en chueche zom Verchaufe chönntid metnäh. Dgroppestond werd ca. bes am 12:00 Uhr go.

Mer freued üs of üch:)

Üchi Leiter und Jungleiter

Lukas, Raphi, Aline, Elina, Elias, Camillo


16.11.2019

Liebi Chend

Nögscht Samstig(16.11.2019) wärdemer ändlech wedermol en groppestond ha. Mer träffid üs am 14:00 Uhr bim Dorfschuelhuusplatz. Am 17:00 Uhr esches denn leider au scho weder fertig. Methnäh mönder eigentlich nome gueti Luune ond notürlech vell Kreativität. 

Bes am Samstig.

Üchi Leiter ond Jongleiterlis

Lukas, Raphaela, Aline, Elina, Elias, Camillo


19.10.2019

Liebi Koalagang

Am Samstig de 19.10.2019 esch es ändlech weder eso wiit, denn werd nämlech die ersti Groppestond vom Johr si. För das träffemer üs am 14:00 Uhr bim Dorfschuelhuusplatz. De ganzi Gspass werd ca. bes am 17:00 Uhr go. Er mönd wätterentsprächend agleid si ond metnäh mönd er en lääre Mage.

Mer freued üs of üch:)

Üchi Leiter und Jungleiter

Lukas, Raphaela, Aline, Elina, Camillo

 


Liebe Kinder, Liebe Eltern

 

Damit das ganze Bu-Mei Jahr immer schön klappt, sind wir darauf angewiesen, dass sich alle Kinder korrekt angemeldet haben. Also auch diejenigen, die sich schon letztes Jahr angemeldet haben. Wer also ein absolut fantastisches Jahr mit dem Bu-Mei erleben will (und wer will das schon nicht?), soll sich doch bitte bis am 20.10.2019 anmelden.

 

Am Eröffnungsnachmittag haben alle Kinder ein Anmeldeformular erhalten, welches ihr per Mail, Post oder Brieftaube an Lina schicken könnt.

 

Oder ihr füllt ganz einfach das Formular auf unserer Webseite aus.